今朝 9點 check out 去食早餐
(同老人家去旅行 梗係要比充足時間大家休息）
為咗要試多幾間烏冬店
我特登唔訂酒店早餐
搵咗一間喺我地今日第一個景點 "栗林公園" 對面嘅烏冬店
（貪佢近栗林公園 可以比我地免費泊車）
由酒店揸車 8分鐘就到達 "讚岐烏冬 上原本店" （Tel.: 087 831 6779)
我地竟然係第一批到嘅食客
烏冬店開 09：30
一行到去大門口
就聞到好香嘅煮食味道
希望今次唔係又食撈烏冬啦
因為我地仲未清楚點菜嘅流程
所以入咗烏冬店之後
我地先搵位坐好
再望吓當地人係點做
又係全日文 冇英文menu
唯有看圖點餐
呢到仲可以自己煮烏冬
其實店員比我嘅嗰碗烏冬已經煮熟咗
不過個碗入面係冇湯
我估係比食客自已選擇要食硬/軟身烏冬
最後先再自己加湯
放埋啱啱炸好嘅天婦羅 呢碗就係我嘅早餐喇
食完早餐
過條馬路就係栗林公園東門停車場嘅入口
由停車場行去東門入口
沿途係一棵櫻花樹都睇唔到
Sandra 姨仲話個公園特登種 d 普通樹喺外圍
要市民比錢入去先可以見到櫻花樹
賣香川縣手信嘅 "栗林庵"
過咗栗林庵
向左轉係售票處
右轉就會見到一個介紹公園邊個位置有櫻花樹嘅地圖
跟據地圖嘅資訊
行晒成個公園（南庭同北庭）要差唔多兩個鐘
所以 Sandra 姨佢地話只係行多櫻花樹嗰一條路線
本人就最想去睇入場卷上面呢個景
果然一過咗檢查門卷嘅地方
就可以見到櫻花樹喎
仲要不停聽到熟悉嘅廣東話
其實除咗櫻花樹
栗林公園本身都好靚
仲可以買嘢餵鯉魚
大概行咗個半鐘
又比我地行晒成個栗林公園喎
行返去烏冬店拎車時
發現門口大排長龍
好在我地揀早餐時段黎食啫
下一個景點就係嗚門渦之道
plan 行程時見到其他旅客話
去四國唔需要行好多高速公路
所以冇租到 ETC
（不過最後係 6日嘅行程入面
只係第 1日冇行高速公路）
結果每日都要㩒幾次呢 d咭出黎比錢 好唔環保
揸咗個半鐘車就到達嗚門公園
停車場就喺 Cafe 嘅對面
無論架車停幾耐
都係一律 500 yen
泊咗車
都要行一段路先去到渦之道
好在沿途都夠 signage
我地揀咗經 "千疊敷" 去渦之道
跟住指示行 實冇錯
大風到呢 大家外套嘅帽都吹起晒
終於到喇
我地到達時係 14：00
大門
希望可以見到咁震撼嘅場面啦
買完門卷 入場時會送多張 postcard
行呢條長廊時 會 feel 到上層 d 車經過
透過地上嘅玻璃 可以望到海面上嘅情況
其實望落去 都咪話唔驚
因為阿姨佢地會暈船浪 所以就冇安排到呢個環節
咁近距離睇旋渦 畫面應該都幾震撼
離開渦之道 我地去咗 千疊敷展望台
喺呢到映 "大嗚門橋" 好靚
仲食咗好重蕃薯味嘅雪糕 好值得一試
由於要返高松機場接阿妹機
所以我地 skip 咗下個景點
不過回程時 GPS 帶我地行小路
沿途只係見過一次 "高松空港" 嘅 路牌
幾驚會謎路呀
仲要趕住 19：30 前去到今晚入住嘅 Sunriver Oboke Hotel
（訂咗一泊二食 遲到就乜都冇得食）
今晚嘅餐單 好多嘢食咁喎
一個人係冇可能食得晒咁多嘢
好喊呀 條魚
Sunriver Oboke Hotel 嘅客房都幾舊
仲要係冇沖涼房
所有客都要去溫泉嗰邊沖身
其實都幾唔方便
仲要房價唔平
（成個 trip 最貴嘅一晚）
住過一次就夠
留言列表
