今日第一個行程係 左營 蓮池潭
其實我地主要嘅景點係 龍虎塔 同 孔子廟
Sandra姨話前者映相好靚
而後者係佢地早幾年黎高雄旅行時錯過咗嘅景點
出咗 左營站 我地就打算坐的士去龍虎塔
(因為有兩位團友唔可以行太耐)
喺呢個時候 有架小巴駛到我地身邊
小巴入面除咗司機之外
仲有一個戴太陽帽 掛住個咪嘅女士
好明顯佢見到我地嘅遊客樣
就 sell 我地坐佢架小巴
話架車會去蓮池潭
啱晒!
點知佢話收$50新台幣一個人
(咁好似坐的士抵啲喎 🤔)
喺我地三心兩意之際
貌似導遊嘅女士話
呢架小巴其實係 文化公車
會圍繞蓮池潭同左營捷運站行走
而我地買嘅車飛係一日票
可以喺途中八個站嘅任何一個站上落車
(咦~咁又幾抵喎)
所以我地就乖乖地上車
呢位掛咪女士果然係導遊
一開車就介紹 文化公車
原來高雄市嘅文化公車有三條路線
不過得假期先有得坐車 平日係冇嘅
(我地都算好彩 撞正星期日黎玩)
導遊小姐繼續介紹左營嘅歷史
由於本人最憎 history 呢科
所以我係 左耳入 右耳出
只係聽到佢介紹 Hello市場
好似話係當年啲菜檔檔主只係識同啲士兵講 hello 而命名
導遊小姐仲介紹 左營眷村 同 洲仔濕地公園
不過我地係冇去到呢兩個景點
反而我地聽佢嘅介紹去咗 見城館
一個善用多媒體(AR/VR)嘅展覽館
展館地面嘅 舊見城模型 會配合返 介紹舊見城條短片 作出相應嘅變動
每個展覽櫃都會有相對應嘅QR code
只要借用佢嘅平板電腦
就可以睇到啲文物嘅原本面貌/動畫
成件事即刻變得有趣晒
上一層就係玩VR嘅地方
參加者可以喺自由揀嘅城入面放 花花草草 雞鴨鵝 同古人
離開 見城館 之後
我地遇到個好熱心嘅大叔
佢不停叫我地去附近嘅'三牛'食紅燒牛肉麵
雖然我地原本安排咗中午去打邊爐
(當時已經係11點)
不過都係決定食咗先講
食飽之後 繼續坐文化公車去 蓮池潭
龍虎塔
記住要由 龍口入 虎口出
如果唔係 就會變咗 送羊入虎口架喇
孔子廟
去完孔子廟之後已經係差唔多16:00
我地繼續坐文化公車返左營捷運站
再轉的士去打邊爐
不過當我地去到餐廳時
發現佢係勁 full
今晚得 20:00 有位
所以我地都係決定聽日中午先黎食
食完返酒店拎行李出機場
所以今晚都係返酒店食 "宵夜"
留言列表