今朝早餐喺酒店食
9點 check out 去大步危妖怪屋敷
映吓大步危嘅景色
秋天先黎嘅話 個景應該會靚好多
跟住去祖谷溪U字型溪谷
同小便小僧
沿途大部份嘅路都係單線雙程行車
(仲要係迂迴嘅山路)
由於山路要 keep 住 30km/h
同要讓對頭車
所以...雖然個個景點都只係用 3-5 分鐘映相
但係我地揸車其實係用咗成個鐘
仲要離開 小便小僧 去 祖谷藤蔓橋 時行錯方向
沿路冇位 U turn
最後要白白行多 2km
先至搵到個避車處掉頭
(幾驚要落咗山先可以 U turn)
要去祖谷藤蔓橋要先通過藤蔓橋夢舞台
有好多手信賣(以食物為主)
同一個小食店
每個遊客都會停低幫襯
終於都望到條橋喇
一直以黎
都只係得我同阿妹話會 "過橋"
不過當大家親眼見到條橋
就個個都話行
咁就快 d 買飛喇
過橋費承惠 550 yen
出發
由於橋面木板與木板之間嘅空間 真係好鬼闊
最安全嘅行法就係
其中一隻手扶住橋邊嘅藤蔓黎行
所以冇人敢拎手機出黎映相
估唔到 Uncle呠 勁快就行咗過對面岸
仲拎佢部手機出黎幫我地映video
點知當我過完橋嘅時候
比我發現佢係冇㩒到制
即係..其實頭先我地不停對住電話講嘅嘢
係!冇!錄!到!
真係笑死全村人
好在最後我偷偷行返落橋 先映到呢張相
行完藤蔓橋 映返張近照先
仲可以行埋去隔離嘅琵琶瀑布
離開祖谷
下一站係高知市
睇旅遊書介紹嘅 西島園藝團地
一個賣農產品嘅地方
(係 "編者推介")
諗住去買吓平生果
可能我地去嘅時候係平日
唔係所有賣生果嘅檔攤都有開
主要係賣手信/ 零食
生果就只係得車厘茄可以即買即食(咁大盒先 700 yen)
其他水果要等 14號先食得
(但係12號我地返香港喇喎)
除咗有嘢食賣 呢到仲有個小花圃
玩咗咁耐
我地其實係未食 lunch
(只係不停食零食)
好在下一個站就已經係酒店
今晚我地住 Orient Hotel Kochi
由酒店步行 10分鐘就去到 ひろめ市場
可以食個 early dinner
隻招財貓咁似狗嘅?
一個必去嘅 food court
高知縣最出名係食鰹魚
見個個 blog 都話一定要食 "明神丸" 嘅稻燒鰹魚
稻燒
(長期對住咁大火 個 staff 都幾慘 )
鹽味鰹魚丼
望到都覺得好食 仲要係好平
一個定食(再加一碗湯)都只係 850 yen
原味刺身都好食
成個 food court 賣嘅食物都好平
我地買到成張枱都係嘢食
(仲 encore 咗兩份鰹魚定食)
埋單先 10000 yen (5個人喎)
食完飯
我地喺附近商店街行咗陣
就返酒店休息
留言列表