今日第一個行程就係去 City shopping
上網 check 咗今日啲舖頭開 8：00
（咁早開 係咪真係有人黎買嘢架？）
我地食完酒店提供嘅早餐就出發行去 City
Merry Christmas Manchester
諗住 9：00左右到都算早喇掛
點知已經見到有人龍
唔好以為只係有華人係到排隊
大部份都係外籍人氏
呢條隊係排緊 Christian Louboutin
今次出發前收到各方好友嘅 shopping list
我覺得自己好似水貨客
買到一袋二袋
不過只有一對鞋係買比自己
黎英國前我都已經諗好要買 adidas ultraboost/ nmd
之前喺香港用炒價買過對 ultraboost
舒服程度同 nike air presto 有得比
而英國嘅 ultraboost 同 nmd 係賣緊正價之餘
仲有得退稅喎
點都要買返兩三對啦
呢對 nmd size? 賣 £50 咋 唔係唔買呀麻
買還買
都要預時間返酒店放低嘢同食 lunch
諗住近近地喺酒店隔離間 pub 食完嘢就出發去睇波
咁啱佢逢星期一做 promotion
食 ribs £8 咋
食完午餐我地就坐的士去 Old Trafford
今日係 Manchester United VS Sunderland
其實我從來都唔睇足球比賽
(個球場咁大
啲球員好似螞蟻咁細粒
真心唔明有乜好睇）
不過當年喺澳洲睇 footy
氣氛非常好
令到我再次料水入場睇
或者睇完曼聯踢現場
會令我對足球呢樣運動改觀呢
入場前要被搜身
而搜我身嗰個阿姐竟然問我夠唔夠 16 歲
嘩～我個樣係咪真係咁細呀？
入咗場之後仲要行好多級樓梯先去到我地坐嗰區
我地係坐尾四嗰行
（坐咁後都要位位 HK$ 1245
我情願比多啲去睇 nba）
啲球員出場喇 遠到連波衫上嘅號碼都睇唔到
感覺好似喺屋企睇緊電視
睇完波就跟大隊坐巴士返出 City
繼續 shopping
留言列表
