24 Dec
出發去杜拜轉機去 Warwick
喺飛機上面睇咗 《幸運是我》
好耐冇睇港產片
不過 失智 呢個主題好吸引
喺冇抱任何期望吓反而覺得套戲超好睇
轉機只係需要等三個鐘左右
回程就要等超過八個鐘
25 Dec
落機時英國係 6：30左右
聖誕節度度都唔開
就連租車 counter 都冇人
要去到停車場個 counter 先有一個 staff
一路簽文件一路同佢吹水
佢叫我一定一定要去 Bicester Village
仲提我要朝早就去
如果遲咗去就冇嘢買
個 staff 仲幫我地 upgrade 咗架車（原本租 A-Class咋）
由於我地原本只係租細車
諗住裝唔晒四個喼
所以二方一早請喺 London 住嘅朋友
幫我地租咗個迷你倉放喼
所以我地第一站係 King Cross 嘅 Access Self Storage
然後就開始我地嘅行程
原本係打算去 Warwick Castle
不過我地跟住 google map
點都搵唔到條車路入去
所以只好泊低架車
邊行邊搵
好想食嘢
見到呢間屋令我諗起 Hansel and Gretel
初初仲以為佢就係 Warwick Castle
終於比我地搵到喇
都係到此一遊 映完相就走
下一個景點係距離 30 分鐘車程嘅 Birmingham
既然順路 咪去映返兩張相囉
2002年喺 Birmingham住咗兩個星期都未踏足過人地間大學
外觀似銀行多過似 apple shop
繼續走馬看花 下個站 Liverpool
才15:30 個天已經係咁
雖然我完全唔識亦唔睇足球
不過黎到英國
點都要朝吓聖嘅
黎到 Liverpool 仲有個地方一定要去
就係我娘親最鍾意嘅 Beatles 做主角嘅 The Beatles Story Exhibition
（記得我讀緊小學時
娘親大人成日都播 Beatles 卡通我睇
我仲係到諗
點解呢幾個人成日都比一大班人追架）
不過今次未有機會入去參觀
可能再等三五七年
我先會再黎英國玩
（歐洲仲有大把地方我都未去過）
最後一站就係酒店
點知去酒店途中先發現
我地住嗰間酒店唔係我收聽日球賽 pass 嗰間酒店
好在兩間酒店係同一個集團
我去到櫃枱一問
個 staff 就知咩事
如果唔見咗啲球賽 pass
我都唔知點賠比人
今晚我地去咗個全年都實有人開工嘅地方食晚餐 -- 唐人街
一路食飯 我地一路上 Selfridges website 睇定聽朝買乜好
記得十幾年前喺英國過聖誕
因為我下午先出街
所以我只可以望住一個個嘅吉架
今次仲唔到我買嘢
留言列表
