21 Feb
今日參加嘅 local tour 9：30 集合
又要晨咁早起身食早餐
集合地點喺名古屋車站太閤道西口地下街嘅 mcdonalds
今次有兩位導遊小姐
其中一位仲識講普通話
（發音仲要好標準添）
同佢傾計期間發現佢係為我同 Betty 而黎
皆因成團得我地兩個唔係日本人
完全有包團嘅感覺（導遊同旅客比例係 1：2 喎）
日本人嘅服務真係冇得頂
我地被安排坐喺旅遊巴嘅第二行
（坐正喺導遊後面 咁佢只需轉身就可以為我地做介紹）
出發時仲係天朗氣清
點知半個鐘後就開始落雪
坐咗個半鐘車就到今日嘅第一站 昆布館
比大家買吓手信
然後就到成個 trip 嘅重點行程 蟹宴
完全冇諗到一人份糧係咁多
- 兩隻松葉蟹
- 魚生飯
- 松葉蟹鍋
- 焗蟹蓋
- 刺身
- 茶碗蒸
所以基本上每人都有三隻松葉蟹
我好懷疑有冇人可以食得晒所有嘢
呢個 tour 每人￥10980 只係食呢餐都抵到爛啦
為咗方便大家打包啲蟹走
餐廳有賣發泡膠盒（￥300/ 個）
其實我都好想打包一隻蟹當晚餐
不過酒店冇餐具又冇較剪
所以都係努力繼續食啦
最後我冇食到魚生飯啲飯
（魚生係食晒）
同冇食到松葉蟹鍋嘅蔬菜
（隻松葉蟹又係食晒）
而坐我對面嘅 Betty 係 食～晒～所～有～嘢～
平日都唔覺得佢咁大食
真係要比十個叻佢
食完蟹宴
又係買手信嘅時候
不過我同 Betty 又係去食嘢！
食甜品用第二個胃架麻
唔知香港幾時先有 Cremia 食呢
呢個 trip 嘅最後一站係 敦賀港
企喺海邊 大風到完全唔想逗留多一分鐘
好在仲有間 敦賀鐵路資料館 比我地入去避一避
回程返到名古屋站都未夠 18：00
又可以繼續行街
中午食得咁飽
可以 skip 咗晚餐
不過就買定便利店杯麵做宵夜
22 Feb
今日唯一行程係返香港
起身食完早餐就要走
由於夾唔啱時間
我地都係坐唔到酒店 shuttle bus去車站
我一定會再黎名古屋架
留言列表
