喺人地嘅網上遊記到見到 日本書包型 嘅護身符
仲要話得沖繩先有得賣
所以今朝一早食完早餐就加插咗 波上宮 呢個景點
酒店包簡單嘅早餐 （source: expedia.com)
坐單軌列車去 縣廳前站
落車之後向海邊行大概 20 分鐘就到
由於我地太早到
佢嘅小賣部未開
加上個天又開始落雨
所以我地就急急腳走
諗住尾二嗰日睇完座頭鯨再黎過
順便去埋隔離嘅護國寺
黑木鳥居
波上宮旁邊嘅護覺寺
下一站係 首里城
由縣廳前站坐大概 10 分鐘單軌列車就到首里站
不過落咗車之後
仲要行成 20 分鐘先到 首里城公園 入口
途中完全冇指示牌
只係得一舊寫住首里城公園嘅石頭
仲要放到鬼死咁高
如果 Betty 唔講
我真係唔會見到
行極都仲未到
明明旅遊書話行 15 分鐘就到架喎
好在路過一個停車場時
見到佢寫住喺我地啱啱經過嘅路口轉左
然後一直行就係首里城公園
円覺寺跡
放生橋/ 放生池
円鑑池
龍潭
以上呢幾個景點都冇乜人
我地應該離首里城仲有一段距離
所以我地決定跟住啲旅行團行
終於成功入城
歡會門
瑞泉門
龍桶
萬國津梁鐘
奉神門
久慶門
當我地行到去奉神門時
見到個個遊客都拎住張紙係到給印仔
所以我地都決定參與呢個儲印行動
一穿過奉神門就到達入首里城付費區嘅售票處
可以拎到儲印嘅小冊子
馬上開始我地嘅儲印行動
後尾先發現 如果拎住單軌列車一日票去買入場券 會有discount
正殿
大庫里
園比屋武御嶽石門
守禮門
行晒免費區同收費區 用咗大概90分鐘
儲印行動完成之後
我地就去位於詢問處附近嘅石疊道
呢棵係高 20米 有成 200＋歲嘅茄冬樹
離開咗首里站
又係時候醫吓肚喇
原本打算試吓 我部祖河食堂（美栄橋站）
點知去到竟然冇開門
所以改去國際通食 Bambohe 燒肉放題
（超抵！ 90 分鐘放題 每人￥1380 ）
燒烤方面有唔同部位嘅 牛肉 豬肉 同 雞肉提供
除咗生肉之外
Bambohe 都有提供熟食 沙津 壽司 同 甜品
（本人最 buy Blue Seal 軟雪糕）
仲有十幾款飲品
（包括沖繩本土菠蘿汁）
如果我有機會再黎沖繩嘅話
佢一定係我必食餐廳之一
飲飽食醉之後
就開始我地嘅自駕遊
上次喺北海道自駕遊
我係幫襯 Toyota Rent a Car
今次我就幫襯沖繩最大嘅租車公司 OTS Rent a Car
所有租車公司嘅櫃位都喺 T Galleria 一樓
OTS 嘅員工識講普通話
佢好細心咁解釋喺沖繩（日本）揸車有咩要留意
仲比咗一份有晒熱門景點 Map Code 嘅小冊子我
記得上次喺北海道租車
車上嘅 GPS 只可以打 Map Code 去搵目的地
今次沖繩租車就正常返
車上嘅 GPS 除咗用 Map Code
仲可以用目的地電話去搵目的地
架車車尾仲貼住個 "外國人駕駛" 牌
我喺停車埸 就係靠佢黎認返架車
原本 plan 咗去美國村附近嘅海灘睇日落
不過去到北谷嘅時候已日落
所以就直接去 Hotel Sunset Terrace check in
有蓋停車埸 （source: expedia.com)
間房比一般嘅日本酒店房大 （source: expedia.com)
放完行李我地就去美國村 (MC 33526365*07)
由酒店揸車過去只需 2分鐘
第一間見到嘅餐廳就係 A&W
馬上醫肚先
有個 HFCC 舊同事介紹我飲 Root Beer
點知一飲就知出事
頂～沙士黎嘅
話明係美國村
除咗賣手信嘅舖頭之外
大部份舖頭都係賣美國貨
我同 Betty 都覺得啲舖頭吸引力欠奉
風獅爺 X 無咀貓
又要跌錢（家有無咀貓迷）
見到呢個摩天輪 就知自已到咗美國村
今晚最後一站又係 AEON
要買聽日份早餐
留言列表
