～ 極速成團 之 沖繩遊 ～
今日我同 Betty 坐 Hong Kong Airline 11：25 機去沖繩
我地約咗 9：30 一齊 check in 同食早餐
跟住去 RELAY 拎免費八掛雜誌
邊睇邊等上機
（申請咗張 DBS Black World Mastercard 之後去過 7 次旅行
今日去第 8 次旅行 先記得去拎免費雜誌睇 以後都要記實有呢個優惠先）
為咗呢個旅程
我特登買咗部 華為mate 10 電話
而家去旅行連相機都唔洗帶 lu
不過自已未摸熟部電話
所以落咗機之後
攪咗勁耐都攪唔掂張上網咭
（以前用 iphone 好似易 set 好多）
去親日本都係買呢張咭
8日無限上網才 $78
酒店wifi都懶得用
離開那霸機場嘅時候係落緊微雨
由機場行去單軌列車站大概 7 分鐘
大部份嘅路都係有瓦遮頭
我地買咗 一日票（¥ 800）
嚴格黎講 呢張係 24小時票
由買嗰一刻開始計 24小時內有效
啱晒我地呢啲下晝先落機嘅遊客
聽朝可以繼續用
出入閘都係 scan QR code 好先進
一路坐單軌列車
啲雨就越落越大
去到美栄橋站直頭係落紅雨咁
果然貴人出外招風雨
好在我把遮放咗係背囊
不過 邊拎遮 邊拉喼 都幾係嘢
Betty 把遮放咗係喼
佢話唔想喺街開喼
所以佢好瀟灑咁係背囊裡面拎咗件風褸出黎
當雨褸著住就行
明明車站距離酒店只不過係10分鐘唔夠嘅路程
我同 Betty好似行咗一世咁
上到酒店房
大家都好肚餓
加上出面落咁大雨
仲邊有心情去行國際通呀
所以我地決定去食 通堂拉麵
小祿站一出就見到 AEON
而 通堂 就喺正 AEON 對面
由於唔係食飯時間
大把位任我地坐
其實喺日本食拉麵
（我諗應該話食所有嘢）
真係好難遇到唔好食嘅
（本人無意算挑戰 金龍）
食拉麵時加埋佢嘅辣芽菜（免費配菜）就 perfect
我同 Betty 都覺得就咁食佢嘅辣芽菜仲正
我地齋食辣芽菜食到停唔到口
差啲食咗半樽
食完拉麵
我地就去隔離嘅藥房入貨
（冇錯 第一日就買 未得黎拎過咩？
仲要第二日就發現國際通食燒肉對面嘅藥房平好多）
然後去埋對面嘅 AEON 買今晚嘅宵夜
咁早食晚餐
今晚唔肚餓就奇
是日宵夜
留言列表
