今日就離開 Lauceston 返 Hobart
臨走前 去埋只係星期六先有嘅 Harvest Market
食個早餐先
泊咗架車喺 City Park 路邊 (免費)
順便行下個公園
公園入面竟然有日本獼猴
咁溫泉呢?
連飲水機都靚過人
由 City Park 行 3 分鐘就到 Harvest Market
相對 Hobart 嘅 Salamanca Market
Harvest Market 明顯細好多
就咁行一圈嘅話
5 分鐘可以睇晒所有嘢
一入門口就係賣蔬果
然後係熟食區
最多人排隊買嘅係咖啡
同買海鮮(竟然冇生蠔!)
所以我就揀咗食 Burger
Farmhouse Brekky Burger (AUD 8)
離開 Launceston
就展開小鎮之旅
第一站係 Campbell Town
主要係黎睇 Red Bridge
泊架車喺 Information Centre
就落車周圍行
呢個小鎮 竟然有間書店
每次經過書店 都要入去睇吓有冇好嘢
離開書店
行 3 分鐘左右就到 Red Bridge
Red Bridge
企喺 Red Bridge 上景返轉頭
喺 Red Bridge 傍邊 有幾個木㓮塑
由 Campbell Town 揸 10 分鐘車就到 Ross Town
一心諗住黎睇 魔女宅急便 嘅場景
點知人家去咗滑雪
咁就唯有睇橋(Ross Bridge)啦
成個鎮想搵個人睇下都冇
但係竟然有間夜冷店
離開 Ross Town
揸 30 分鐘車就到 Oatlands
亦係返 Hobart 前嘅最後一個景點
同 Ross Town 一樣
喺呢個小鎮
想搵一個人望吓都難
但係竟然比我地喺 Oatlands 嘅公厠
發現到極度先進嘅 Dyson airblade 乾手機
澳洲政府真係好好
一入個鎮
就已經望到 Callington Mill
不過 GPS 竟然點咗我地去個風車嘅背面
落車行咗一段路先發現
通往風車嘅入口(Mill Lane)喺另外一邊
本人覺得 Oatlands 唔係一個必去嘅地方
成個鎮只係有 Callington Mill 一個景點
不過好似我地咁
有大把時間
唔急住返 Hobart 嘅話
當係一個休息站都唔錯
返到 Hobart 見仲有時間
所以去埋全澳洲最古老嘅橋(Richmond Bridge)
橋嘅兩邊都有多地方比遊客野餐/ 散步
今晚同事話想食中餐
所以我地去咗食日本便當
我食完牛肉飯之後完全唔飽
結果要喺 Woolworths 買 meat pie 同 yogurt 做宵夜
留言列表