27 June
今晚坐 7:15 機 (VA 68)去 Melbourne
再轉機(VA 1316)去 Hobart
喺香港機場 check in 時
個地勤提我地
去到 Melbourne 要拎行李清關
(咦~我地轉機得個半鐘架咋喎
咁咪好趕囉
希望香港飛 Melbourne 唔會有咩意外啦 )
地勤叫我地影低轉機流程
去到 Melbourne 自己執生
上機前指定動作
點知當全部乘客都上晒機之後
機長先生 keep 住開咪話有技術問題
又話太多飛機排緊隊起飛
所以我地班機要等等
結果我睇咗大半套戲
架飛機都仲喺陸地
(行程都未開始就有阻滯
有冇咁黑仔呀!)
由香港飛 Melbourne 大概 8個半鐘
由於我唔係好瞓到
結果睇咗 3 套舊戲:
Aquaman/ Fantastic Beasts: the crimes of Grindelwald/ Annabelle
(Virgin 話 d 戲係 recently added 喎)
睇 Fantastic Beasts 睇到一頭霧水
回程時要睇多次先得
到達 Melbourne 喇
28 June
比原本預計時間遲咗一個鐘先到達 Melbourne
(即係得返半個鐘去清關)
排隊過海關已經用咗好多時間
諗住一出接機大堂
就馬上跑去 domestic terminal 嗰邊 bagdrop
點知屋漏兼逢連夜雨
同我同行嘅 swindon 同事被抽中
要 check 行李
(真係黑仔冇極限!)
好在當我地去到 Boarding Gate 時
大家都係喺到等緊
(可能係要就返我地班機 delay)
最後又要等一個鐘先上機
都好嘅
比時間我上網 activate 張 Telstra sim card
(要入咗澳洲境內先可以 activiate prepaid sim card)
Hobart 天氣好好呀
千辛萬苦終於去到 Tasmania
天氣冇我想像中咁凍喎
氣溫同香港嘅秋天差唔多
著件薄外套已經好足夠
Hobart 機場 比想像中細
喺行李帶等咗 5 分鐘就拎到行李
不過喺租車公司拎車就等得耐囉
雖然同Bargin Car Rentals 個 staff 好好傾
佢明明話等 5 分鐘就可以拎車
點知一等就等咗差唔多 30 分鐘
(借問聲你心目中嘅 1 分鐘係幾多秒?)
有 Tasmanian Devils 陪你拎行李
等攞車期間 係冇人埋租車 counter
拎完車都已經 11:30
鬼死咁肚餓
所以第一站就去機場附嘅 Barilla Bay Oyster Restaurant 醫肚
一打生蠔 半打熟蝦 (AUD 37.5)
食飽就去 City Commonwealth Bank
攪我呢個 trip 嘅重點
同搵埋我個移咗民澳洲嘅朋友
然後齊齊返酒店 check in
諗住瞓返陣先去食晚飯
點知大家都瞓唔著
所以我地就決定出去行吓
上到 Mount Wellington 就好似去咗第二個世界咁
一落車就企唔穩
大風到呢
(我仲將頸巾同手套放咗喺酒店添)
所以我地求其映咗幾張相就走
實在係太大風同太凍 大家都係急急腳走
轉場去Rosny Hill Lockout 睇 city 夜景
今晚去咗食 Tasmania 最好食嘅餐廳 Franklin
由於唔知食乜好
我地揀咗由佢發板嘅 feed me option
估唔到 10 道菜中 有 7 道係蔬菜!!
仲要份量唔多
話晒都位位 AUD 85 喎
好在而家澳紙低水啫
真心唔抵食 又唔好食
留言列表