琴日住嘅酒店 (Country Hotel Takayama) 唔包早餐
不過高山呢到有兩個朝市（宮川朝市/ 陣屋前朝市）
可以睇吓本地居民嘅市集係賣咩
順便食早餐
但係朝市只係營業到中午 12：00
所以我地 7：00 就出發去食早餐
途中路過 飛驒國分寺
呢棵銀杏樹有成 1200 歲
首先去宮川朝市
可能係平日嘅關係 冇乜人
人不可以貌相 食物都一樣
食咗個飛驒牛包（¥ 430）
宮川朝市有手信賣
有熟食賣
亦有醃製食物賣
好值得去行
不過因為我地啲背囊真係冇多餘嘅位去放任何嘢
所以我地決定星期日（可以用 JR pass 最後一日）再返黎一次
陣屋朝市檔口數目冇宮川朝市咁多
而貨物嘅種類亦只有醃製食物同蔬菜
對我地遊客黎講
只係行宮川朝市就夠晒
9：00 返酒店 check out 出發
去下一個景點 飛驒古川（電影《你的名字》場景）
由 高山 去 飛驒古川
車程只係 20 分鐘
今次 JR 冇再 delay 喇
一出車站 曬到呢 天氣好得太過份
條街想搵個人睇吓都冇
飛驒古川祭會館
可以買魚糧餵鯉魚
古川祭 起太鼓
飛驒市圖書館
呢到嘅古街同高山古街都好似
行行吓聞到香味
原來街尾有間酒廠
酒廠後面就係 瀨戶川和白壁土藏街
冇乜鯉魚嘅？
本光寺
每個寺廟都有得 "給印仔"
霞橋
真宗寺
圓光寺
氣多若宮神社
去到車站發現要等成 50 分鐘先有下一班 JR
咁就去食住嘢等啦
車站附近得一間餐廳有開
見到個價錢咁平都覺得伏伏地
果然冇估錯
呢個 天婦羅烏冬（¥ 500）
一定係我有生以黎
食過最難食嘅烏冬
去完《你的名字》場景
下個景點就係 叮噹 嘅故鄉 高岡
途中會經過 富山
先去酒店放低背囊
我地買嘅 JR pass 係唔包去高岡呢程
要另外買車飛
（由富山去高岡 車程 20分鐘）
喺高岡車站嘅 information centre
可以拎到同叮噹景點有關嘅地圖
喺車站附近就已經有兩個景點
叮噹的散步步道
叮噹郵筒
好耐冇寄 postcard 比自己喇
為咗嗰叮噹郵戳
就寄一張啦
郵筒後面就係電車站
咁啱比我地見到叮噹路面電車
然後就要坐巴士去高岡御伽森林公園
跟據叮噹地圖嘅資料
我地要去坐 2 號月台嘅巴士
好在上車前問吓個司機
佢話坐 1 號月台嘅巴士先啱
（點解呢個旅程成日都遇到啲誤導遊客嘅資訊？！）
不過落車地點唔係喺正公園隔離
司機先生唔識英文之餘
連比埋個 有叮噹地標嘅公園相佢睇
佢都係唔知我地要去邊
所以一定要靠 google map 先知幾時落車
御伽森林館
叮噹的空地
叮噹的日晷
成個公園都種晒花
仲有一大遍草地
回程巴士班次好疏
為咗唔想企係到等成大半個鐘
我地決定行去新高岡站再坐巴士返高岡站
臨離開高岡前去埋用咗 30年先完成
日本三大佛之一 高岡大佛
沿途仲有童話故事嘅銅像
The wolf and seven little goats
桃太朗
Town Musicians of Bremen
晚餐食咗 富山名物
黑醬油拉麵（¥ 700）
返到富山站已經天黑
不過好想去睇吓被日本人稱為世界最靚嘅 starbucks
好在富岩運河公園好近車站北口
點解佢係世界最靚嘅 starbucks 呢？
應該係因為呢個景色（我估傍晚黎會仲靚）
點都要飲杯嘢 坐吓嘅
留言列表
