今朝酒店冇包早餐
我地就去咗酒店隔離嘅 M 記
睇吓有冇啲係日本限定嘅包食
呢到嘅煙肉蛋漢堡係用真煙肉
諗都唔洗諗
一定係食佢啦
最衰冇熱朱古力
如果唔係就 perfect
因為我唔飲咖啡 唯有飲奶 （￥300）
行去松本城途中見到有人黎源智之井戶裝水飲
行車路面有指示
不過如果我係司機
應該唔會望到
中町通
啲店舖望落好新淨
而佢地多數係賣時裝
唔係好啱我行
呢間書店外觀非常吸引
國寶松本城
過咗橋就係售票處
一張飛可以參觀松本城同松本市立博物館（￥610）
原來日本人都有七夕架喎
不過佢地會掛紙公仔係屋企
呢位演員為咗擺呢個 pose
大叫咗好幾次
好專業呀
大會提議映相嘅地點
入松本城參觀要除鞋
拎住對鞋爬佢啲樓梯都幾係嘢
太鼓門
左邊舊大石
高 4 米
重 22.5 噸
啲橫梁係用 140 歲嘅松樹做
參觀完松本城
諗住去繩手通睇吓有冇啲特色嘢賣
可能係平日嘅關係
所以只係部份嘅店舖開門
冇乜特別嘢好睇
下一站係去松本市美術館
睇草間彌生 All About My Love 展覽
都未行到去門口
離遠就見到巨形花
面前有咁多色彩繽紛嘅藝術品
唔單止小朋友見到會興奮
連大朋友都覺得開心
周圍都係圓點
好想要一罐 不過已經冇得賣
草間彌生作品當中
我最鍾意 "南瓜"
以上嘅作品
係唔需要比入場費
都可以欣賞到
呢個思考中嘅南瓜就要去售票處先見到
入場卷 （￥1200）
買完飛一轉身
就見到草間彌生公仔 同 狗仔
展覽場地分兩層
而每個展覽館只可以入一次
（唔明點解唔可以睇完再睇）
只要跟住地板嘅腳印行就得
而展覽場地得一個地方係可以映相
睇完展覽
梗係要去睇吓有冇南瓜紀念品賣
睇黎睇去都係個 puzzle 最靚
對住佢十五十六咗好耐
（一來 就算砌好咗幅 puzzle 屋企都冇位放
二來 如果買咗佢 我咪要拎住盒嘢去下個景點
本身我已經要拎個 Hello Kitty cushion）
所以最後都係放棄帶佢返屋企嘅念頭
返名古屋前最後一個景點係 奈良井宿
呢到係傳統建築物嘅保全地區
出名有好多漆器店
有日本情侶著住和服黎映相
由車站行大概四十五分鐘就會到盡頭
一試食就停唔到口嘅仙貝（各￥870）
沿途會見到好多中年人仕坐喺街邊寫生
佢地啲畫工真係一流
完全冇藝術天份嘅我
就只好映多兩張相留念啦
回程臨到車站前
記得去埋木曾之大橋
咁呢個景點就完滿結束喇
不過 奈良井站 係冇JR直達 名古屋
要坐 40 分鐘車去 木曾福島站 轉車
車站對面就係餐廳
個腦閃過一下去食嘢
不過去名古屋班車 40 分鐘後就到
怕上唔切餐 miss 咗班車又唔知要等幾耐先返到名古屋
返到名古屋
即刻上 JR Central Towers 搵嘢食
基本上間間餐廳都大排長龍
最後我地揀咗食讚岐烏冬
呢間舖每款烏冬都可以揀大中小唔同份量
望住隔離枱啲大過我個頭嘅碗
我諗叫中碗我都未必食得晒
不過 Betty 話 "佢個碗大啫"
所以我叫咗個中碗份量
而 Betty 就話要挑戰大碗份量
沙丁魚天婦羅烏冬（中碗）（￥920）
碗烏冬黎嘅時候
我仲覺得唔係好大碗咋
我應該食得晒
點知啲烏冬越食越有
（我懷疑佢係放咗二人份量嘅烏冬落去）
最終 我係勉強可以食晒碗烏冬
而挑戰大碗嘅 Betty
梗係食唔晒啦
留言列表
